Ferskar kjötvörur

Ferskar kjötvörur

Ferskar kjötvörur eru rótgróið fyrirtæki í matvælaiðnaði sem hefur það að leiðarljósi að bjóða einungis upp á vörur sem standast ströngustu kröfur um ferskleika og gæði. Fyrirtækið sér verslunum Haga og ýmsum stórnotendum fyrir kjötvörum og á jafnframt fjölda vörumerkja, meðal annars Íslandsnaut, Íslandslamb og Heima. Starfsemin er þess eðlis að gott hreinlæti er gríðarlega mikilvægt og ef eitthvað fer úrskeiðis í þeim efnum getur það reynst dýrkeypt, til dæmis ef innkalla þarf vörur.


Þegar ákveðið var að flytja starfsemi Ferskra kjötvara í nýtt húsnæði að Álfabakka 2a leituðu forsvarsmenn fyrirtækisins til Iðnvers með það verkefni að koma upp sérhæfðum hreinlætisbúnaði af nýjustu gerð. Að lokinni þarfagreiningu útfærði Iðnver heildstæða lausn sem fellur vel að daglegum störfum og flæði starfsfólks um húsnæðið. Lausnin byggist á fullkomnum búnaði frá hollenska framleiðandanum Elpress sem auðveldar starfsfólki að viðhalda hreinlæti bæði við innganginn og í vinnslunni sjálfri.


Þar á meðal er sótthreinsihlið sem starfsfólk fer í gegnum áður en það fer inn í vinnslusalinn, auk skóþvottavéla, áhaldavaska og handlauga í öllum rýmum. Allur undirbúningur og uppsetning búnaðarins gekk að óskum. Við þökkum Ferskum kjötvörum fyrir traustið og ánægjulegt samstarf og óskum þeim til hamingju með þessa nýju og glæsilegu hreinlætisaðstöðu!

Fráveituhreinsun