Idnver Fréttir

Iðnver og Laxey semja um byltingarkennda og umhverfisvæna lausn

Thu, 21 May 2026 10:48:35 GMT

Iðnver ehf. er stolt af því að tilkynna um gerð tímamótasamnings við landeldisfyrirtækið Laxey sem mun kaupa ECA-rafal af Iðnver. Um er að ræða byltingarkennda lausn fyrir sótthreinsun og þrif hjá fyrirtækinu í Vestmannaeyjum. Samningurinn er mikilvægur áfangi í samstarfi fyrirtækjanna sem hafa það að markmiði að auka nýsköpun og bæta umhverfisvernd í íslenskum sjávarútvegs- og matvælaiðnaði.

ECA-vatn

ECA-vatn (Electrolyzed Water) er umhverfisvæn tækni þar sem sjór og rafmagn eru nýtt til að framleiða öfluga, náttúrulega hreinsilausn með rafgreiningu. Tæknin býður upp á fjölbreytta notkunarmöguleika og hentar sérstaklega vel þar sem gerðar eru miklar kröfur um hreinlæti, öryggi og gæða.

Notkun á ECA-vatni er mjög áhrifarík aðferð til að eyða bakteríum, veirum og öðrum örverum, án þess að nota til þess skaðleg eða hættuleg efni. Þessi lausn hentar því einkar vel í sjávarútvegi, matvælaiðnaði, heilbrigðisþjónustu og ýmsum iðnaðarferlum, en einnig í sundlaugum og annars staðar þar sem mikilvægt er að tryggja hreint og öruggt umhverfi.

ECA- tæknin styður auk þess við sjálfbærni og umhverfisvernd með því að takmarka þörf fyrir hefðbundin skaðleg hreinsiefni og minni notkun þeirra dregur úr mengun umhverfisins. Jafnframt getur þessi nýja tækni stuðlað að bættum vatnsgæðum við ýmsa framleiðsluferla þar sem hreinleiki skiptir sköpum.

Laxey og sjálfbærni

Landeldisfyrirtækið Laxey er mjög áhugasamt um sjálfbærni og hefur skuldbundið sig til að nota lausnir sem stuðla að verndun umhverfisins. Með því að fjárfesta í ECA-rafalnum frá Iðnveri, staðfestir Laxey að þau eru á réttri leið í átt að sjálfbærri þróun og eru opin fyrir nýrri tækni sem getur haft jákvæð áhrif á umhverfið.

Framhaldið

Samstarf Iðnvers, Laxeyjar felur í sér að deila þekkingu og reynslu á þessu nýstárlega sviði, sem mun stuðla að enn frekari nýsköpun í íslenskum matvælaiðnaði. Með því að sameina krafta sína vonast fyrirtækin til að stuðla að aukinni notkun umhverfisvænna lausna og skapa þannig verðmæti fyrir fyrirtækin og samfélagið með betri grænni framtíð.

Á myndinni eru þeir Pétur Blöndal, eigandi Iðnver og Lárus Ásgeirsson, stjórnarformaður Laxey.

Ferskar kjötvörur og Iðnver skrifa undir samning um kaup á búnaði í starfsmannaaðstöðu

Wed, 18 Mar 2026 15:11:07 GMT

Iðnver var að undirrita samning við Ferskar kjötvörur um kaup á búnaði í starfsmannaaðstöðu í nýja starfsstöð félagsins. Um er að ræða alls kyns búnað frá Elpress sem stuðlar að ítrasta hreinlæti í kringum vinnsluna, aðgangsstýrlu, sótthreinsivélar og handlaugar svo dæmi séu nefnd. Við erum spennt yfir verkefninu og hlökkum til samstarfsins.

Á myndinni er Pétur Blöndal eigandi Iðnvers og Jóna Sigríður Halldórsdóttir gæðastjóri hjá Ferskum kjötvörum.

Iðnver kaupir EH13 ehf.

Fri, 13 Mar 2026 15:08:03 GMT

Iðnver ehf. hefur gengið frá kaupum á fyrirtækinu EH13 ehf. sem er meðal annars umboðsaðili fyrir Radical Waters á Íslandi.

Steingrímur Matthíasson, seljandi EH13, mun starfa áfram með Iðnveri og mun það einfalda þessi vistaskipti hans fyrrum umbjóðenda, að því er segir í fréttatilkynningu.

Radical Waters framleiðir ECA-rafala sem er búnaður til að framleiða sótthreinsandi efnið Anolyte úr vatni, salti og rafmagni og einfaldar fyrirtækjum sótthreinsun og þrif, eykur öryggi starfsfólks og dregur úr umhverfisspori þeirra.

„Við erum hæstánægð með að hafa gengið frá þessum kaupum á EH13 og hlökkum til að kynna nýja vöru og aukna þjónustu fyrir okkar viðskiptavinum. Jafnframt er okkur mikill fengur í því að fá njóta starfskrafta Steingríms,“ segir Pétur Blöndal, framkvæmdastjóri og aðaleigandi Iðnvers.

Iðnver sérhæfir sig í ýmis konar þvottakerfum og vélbúnaði til hreinsunar á hvers kyns fráveituvatni. Fyrirtækið þjónustar fjölda fyrirtækja í sjávarútvegi, matvælaiðnaði og heilbrigðisgeiranum.

Eimur og Iðnver skrifa undir samning um leigu á hreinsibúnaði fyrir fráveitu frá sláturhúsi

Mon, 22 Dec 2025 15:24:00 GMT

Eimur og Iðnver skrifa undir samning um leigu á hreinsibúnaði fyrir fráveitu frá sláturhúsi – framtíðarlausn í umhverfisvænni meðhöndlun á fráveitu.

Iðnver hefur tekið við umboði fyrir NG legur á Íslandi

Thu, 11 Sep 2025 16:53:00 GMT

Iðnver hefur tekið við umboði fyrir NG legur á Íslandi – leiðandi framleiðandi í legum og vélahlutum fyrir sjávarútveg og iðnfyrirtæki.

Iðnver og Huber undirrita samning

Tue, 02 Jul 2024 16:26:00 GMT

Iðnver ehf. hefur gert samning við þýska fyrirtækið Huber Technology um að gerast umboðsaðili fyrir þýska fyrirtækið á Íslandi. Huber sérhæfir sig í nýsköpun og tækninýjungum fyrir skólp og iðnaðarskólp en þetta er í fyrsta skipti sem vörur fyrirtækisins verða til sölu á Íslandi.

„Ég er mjög ánægður með að við höfum náð þessum stóra samningi við Huber sem hefur verið tvö ár í vinnslu. Huber er gamalgróið og þekkt fyrirtæki í þessum geira. Þetta er mikið traust sem okkur er sýnt frá svo stóru og virtu fyrirtæki. Huber hefur aldrei verið með vörur sínar til sölu á Íslandi áður og því eru þetta ákveðin tímamót og raunar stórar fréttir fyrir íslenska markaðinn í mínum huga,“ segir Pétur Blöndal, framkvæmdastjóri og eigandi Iðnver. Kemur þetta fram í tilkynningu.

„Við finnum strax fyrir miklum áhuga og eftirspurn frá íslenskum fyrirtækjum á vörum frá Huber. Það kemur raunar ekki á óvart enda er þetta byltingarkenndur tæknibúnaður og vörur sem fyrirtækið er að bjóða upp á í tengslum við skólp og allt sem því viðkemur.“

Mikil verðmæti sparast í hringrásarkerfinu

Pétur segir það stórt skref að geta nú boðið upp á vörur Huber fyrir iðnfyrirtæki og einnig sveitafélög frá þessu þekkta þýska fyrirtæki. „Þetta eru stórar fréttir fyrir iðnaðinn í heild sinni því tæknibúnaðurinn frá Huber getur t.d tekið prótein úr iðnaðarvatni, frárennsli frá t.d fiskiðnaði og komið því í bræðslu. Það sparast tugir rúmmetra á dag sem hægt er að endurnýta sem annars hefðu farið til spillis. Það eru því mikil verðmæti sem sparast í þessu hringrásarkerfi. Þetta er gríðarlega mikilvæg tækni og búnaður fyrir allan mengandi iðnað. Framundan er mikil endurskoðun á mengandi iðnaði og úrgangi frá honum. Við Íslendingar erum aftarlega á merinni hvað þetta varðar miðað við flest Evrópulönd og það er ljóst að það verða miklar breytingar á næstu árum hér á landi.“

Hreinistöð fyrir vinnslustöðina í Vestmannaeyjum

Thu, 02 May 2024 14:54:00 GMT

Iðnver er stolt af því að hafa í samstarfi við Huber Technology aðstoðað Vinnslustöðina í Vestmannaeyjum (VSV) við að setja upp HDF hreinsibúnað. Búnaðurinn hreinsar allt frávatn frá uppsjávarvinnslu, bolfiskvinnslu og bræðslu VSV sem er nauðsynlegt til að uppfylla starfsleyfi félagsins.
Með samvinnu Iðnvers við Huber er leitast við að tryggja að VSV fylgi öllum reglum um hreinsun á frávatni. Með þessari uppsetningu er lögð áhersla á hringrásarhagkerfið, en markmiðið er að endurnýta prótein úr frávatninu.
Með þessu fæst aukin verðmætasköpun á hverjum degi, en það er áætlunin að endurnýta allt prótein (e. sludge) úr frávatninu, s.s. fitu og föst efni og breyta þessum úrgangi sem annars hefði farið í sjóinn í verðmæti (mjöl og lýsi).

Arctic Fish fær búnað fyrir starfsmannaaðstöðu sína

Tue, 16 May 2023 14:49:00 GMT

Arctic Fish fær afhent þvottakerfi frá System Cleaners

Mon, 17 Apr 2023 14:17:00 GMT

Í dag sendum við frá okkur þvottakerfi fyrir nýja laxasláturhúsið hjá Arctic Fish í Bolungarvík.

Okkar menn eru nú á staðnum að undirbúa uppsetningu ásamt sérfræðingum frá System Cleaners. Þetta er stórt og krefjandi verkefni sem við erum virkilega stoltir að taka þátt í.

Við óskum Arctic Fish til hamingju með þessi kaup og hlökkum til frekari samstarfs í framtíðinni